ജ്യോതിഷരത്നം പവിത്രൻ തിരുമേനി [സ്പൾബർ]

“ ഇവിടെ ഒന്നുമില്ല തിരുമേനീ… ?”..

 

“ഉണ്ടാവും ഉണ്ണീ… നീ ശരിക്ക് നോക്ക്…”.

 

എന്താണവിടെ ഉണ്ടാവുകയെന്ന് യമുനക്കറിയില്ല..

 

“ ഒരു പൊതിയുണ്ട് തിരുമേനീ…”..

 

“ഉം… അതെടുത്തോളൂ… “..

 

ഒരു ചെറിയ പൊതി കയ്യിലെടുത്ത് കുഞ്ഞാപ്പു നിലത്തിറങ്ങി..

 

“ വരിക…”.

 

തിരുമേനി മുമ്പിൽ നടന്നു.. പിന്നാലെ യമുനയും കുഞ്ഞാപ്പുവും..

പൂജ നടത്തിയ മുറിയിലേക്കെത്തിയ തിരുമേനി, കുഞ്ഞാപ്പൂന്റെ കയ്യിൽ നിന്നും ആ പൊതി വാങ്ങി..

 

“ഈ പൊതിയന്താണെന്ന് മനസിലായോ… ?”..

 

കയ്യിലുള്ള ചെറിയ പൊതി യമുനക്ക് കാണിച്ച് കൊടുത്ത് പവിത്രൻ ചോദിച്ചു..യമുന ഇല്ലെന്ന് തലയാട്ടി..

 

“ഇതാണ് പ്രശ്നക്കാരൻ… ഇതൊരു കൂടോത്രമാണ്… ഒരാളെ മുച്ചൂടും മുടിപ്പിക്കാൻ ഈ കൂടോത്രത്തിന് കഴിയും…,”..

 

യമുന അന്തം വിട്ടാണ് അതിലേക്ക് നോക്കിയത്..

 

“ ഇത് ഏകദേശം രണ്ട് വർഷം മുൻപാണ് ഇവിടെ കൊണ്ട് വെച്ചത്… അതിനർത്ഥം ഈ മുകളിലെ മുറിയിൽ വരെ കയറി വരാൻ മാത്രം സ്വാതന്ത്രമുള്ള ഒരാളാണ് ഇത് ചെയ്തത്…”..

 

പവിത്രൻ, ഒരു കാര്യവുമില്ലാതെ യമുനയുടെ മനസിൽ സംശയത്തിന്റെ വിത്ത് പാകി.. അവളാരെ വേണേലും സംശയിച്ചോട്ടെ..തനിക്കെന്താ..

 

“ ഇത് നശിപ്പിച്ചാ പ്രശ്നം തീരില്ലേ തിരുമേനീ… ?”..

 

വിഹ്വലതയോടെ യമുന ചോദിച്ചു..

 

“ ഉം… ഈ കൂടോത്രത്തിനുള്ളിലാ എല്ലാ പ്രശ്നങ്ങളും… പക്ഷേ ഇത് നശിപ്പിച്ച് കളയുക അത്ര എളുപ്പമല്ല… ശക്തമായ മന്ത്രങ്ങളുരുവിട്ട് ദിവസങ്ങളോളം പൂജ നടത്തി ഉണ്ടാക്കിയ കൂടോത്രമാണിത്…