ജ്യോതിഷരത്നം പവിത്രൻ തിരുമേനി [സ്പൾബർ]

“ഉം… ഇതിലൊന്നും വിശ്വാസമില്ലാത്തവർ കൂടെയുണ്ടായിട്ടും കാര്യമില്ല… ഇത് നമുക്ക് തന്നെ ചെയ്യാവുന്നതേ ഉള്ളൂ… പക്ഷേ അതല്ല പ്രശ്നം…”..

പവിത്രൻ കുറച്ച് നേരം ധ്യാനനിമഗ്നനായി.. ആശാൻ കുരുട്ട് ബുദ്ധി ആലോചിക്കുകയാണെന്ന് കുഞ്ഞാപ്പൂന് മനസിലായി..

“ ഇതിലുള്ള പ്രശ്നം എന്താണെന്ന് വെച്ചാ, ഈ കൂടോത്രം നശിപ്പിക്കേണ്ടത് ഇതിന്റെ ഫലം അനുഭവിച്ചവരാ… അതായത് നിങ്ങൾ… ഭർത്താവ് ഇവിടെ ഇല്ലാത്തത്കൊണ്ടും,അയാൾക്കിതിൽ വിശ്വാസമില്ലാത്തത് കൊണ്ടും നിങ്ങൾ തന്നെ വേണം ഇത് നശിപ്പിക്കാൻ…”..

തിരുമേനി പറഞ്ഞത് കേട്ട് യമുന പേടിയോടെ ആ പൊതിയിലേക്ക് നോക്കി…

“പേടിക്കണ്ട… ഇതൊന്നും ചെയ്യില്ല… ഇതിന്റെ ശക്തിയെല്ലാം നിങ്ങളുടെ കുടുംബത്തെ ബാധിച്ച് കഴിഞ്ഞിരിക്കുന്നു…ചിട്ടയോടെയും ശ്രദ്ധയോടെയും ഇത് നശിപിച്ചാൽ നിങ്ങളുടെ എല്ലാ പ്രശ്നങ്ങൾക്കും പരിഹാരമാകും…”..

“ ഞാൻ… ഞാനെന്താ തിരുമേനീ ചെയ്യേണ്ടത്…?”..

വേറെ മാർഗമില്ലാതെ യമുന ചോദിച്ചു.. തന്റെ വീടിനുള്ളിൽ നിന്ന് തന്നെ ഒരു കൂടോത്രം കിട്ടിയത് അവളെ ഭയപ്പെടുത്തിയിരുന്നു..

“ അപ്പോ ഇന്ന് തന്നെ ചെയ്യാം അല്ലേ…?.

പേടിക്കുകയൊന്നും വേണ്ട… ഞാനില്ലേ കൂടെ… ഞാൻ പറയുമ്പോലെ ചെയ്താ മതി… ഇത് നശിപ്പിക്കേണ്ടത് എങ്ങിനെയെന്ന് പറയാം…

നിങ്ങൾക്ക് സമ്മതമാണെങ്കിൽ മാത്രം ചെയ്താ മതി… അല്ലെങ്കിൽ ഭർത്താവിനെ കാര്യങ്ങൾ പറഞ്ഞ് മനസിലാക്കി എന്നെ വിളിച്ചാ മതി… എന്റെ ഒഴിവ് പോലെ വേറൊരു ദിവസം വന്ന് നമുക്കത് ചെയ്യാം…”..