Posted by ഓക്കെ മാമ്മാ. ആദ്യം നീ വല്ലതും പോയി കഴിക്ക് എന്നിട്ട് വാ നമുക്ക് ജോലിയുണ്ട്. ഞാൻ ചായകുടിക്കാൻ ഇരുന്നപ്പോൾ ആര്യചേച്ചിയും പൂജയും കൂടെ എന്റെ ഇടവും വലവും വന്നിരുന്നു നന്ദു എന്തെങ്കിലും കുഴപ്പമുണ്ടോ?? ഹോസ്പിറ്റലിൽ പോണോ?? ചേച്ചി വേണ്ട എനിക്ക് കുഴപ്പമൊന്നും ഇല്ല പിന്നെ ആർക്കും ഒന്നും അറിയില്ല അമ്മയൊക്കെ അറിഞ്ഞാൽ ആകെ കരച്ചിലും ബഹളവുമാകും എന്നോട് നിങ്ങളാരും ഇതേപ്പറ്റി ചോദിക്കരുത് അവർക്ക് സംശയം ആകും പൂജ തന്നോടും കൂടിയാ പറയുന്നേ അവൾ ഒന്നും മിണ്ടിയില്ല.
ചായകുടി കഴിഞ്ഞു ഫോൺ ഞാൻ ചാർജിലിടാൻ അമ്മയുടെ കൈയിൽ കൊടുത്തു (അന്ന് ഫോൺ എടുത്താൽ കുറഞ്ഞത് നാലു മണിക്കൂറെങ്കിലും ചാർജിലിടുമായിരുന്നു എന്നിട്ടായിരുന്നു അത് ഉപയോഗിച്ചിരുന്നത് ) വലിയമാമന്റെ അടുത്തു ചെന്നു വാ നമുക്ക് ഒന്ന് രണ്ടു സ്ഥലത്തു പോകാനുണ്ട് ഞാനും മാമ്മനും കൂടി പിക്ക് അപ്പിൽ നേരെ കവലയിലേക്ക് പോയി അവിടുന്ന് എന്തോ സാധനം എടുക്കാനുണ്ട് പേപ്പർ പ്ലേറ്റും ഗ്ലാസും പിന്നെ വേറെന്തൊക്കെയോ ഉണ്ട് ഭാഗ്യം അധികം വെയ്റ്റ് ഉള്ള സാധനകളൊന്നും അതിലില്ല മാമ്മൻ ലിസ്റ്റ് വായിക്കും ഞാൻ സാധങ്ങൾ എടുത്തുവയ്ക്കും ഞാൻ വലതു കൈ കൊണ്ട് എല്ലാം ചെയ്തു എല്ലാം എടുത്തു വെച്ചു ഞങ്ങൾ അവിടുന്ന് തിരിച്ചു പോരുന്നവഴി മാമ്മൻ ചോദിച്ചു നിന്റെ ഇടത്തെ കൈക്ക് എന്തെങ്കിലും കുഴപ്പമുണ്ടോ? ഞാൻ ഒന്ന് ഞെട്ടിയെങ്കിലും ഇന്നലെ കൈ ഒന്ന് തട്ടിയിരുന്നു അതിന്റെ ചെറിയൊരു വേദനയുണ്ട് മാമ്മാ വേറെ കുഴപ്പമില്ല. നോക്കണ്ട മോനേ? എവിടെയാ തട്ടിയെ നോക്കട്ടെ? മാമ്മൻ കൈ പിടിച്ചു നോക്കി മാമ്മൻ കൈ പിടിച്ചപ്പോൾ എനിക്ക് നല്ലപോലെ വേദനിച്ചിരുന്നു അപ്പോൾ കൈ വലിച്ചാൽ മാമ്മന് മനസിലാവും നീരുണ്ടല്ലോ മോനേ ആശുപത്രിയിൽ പോണോ? വേണ്ട മാമ നമുക്ക് കവലയിൽ നിന്നും ഒരു പട്ടിസ് (ബാൻഡെജ് ) വാങ്ങി ചുറ്റാം അതുമതി പട്ടിസ് വാങ്ങി ചുറ്റിയപ്പോൾ വേദന കുറവുണ്ട് പിന്നെ കവലയിൽ നിന്ന് മാമ്മൻ എനിക്കൊരു സിം എടുത്തു തന്നു (ആ നമ്പർ തന്നെയാണ് ഇപ്പോഴും ഞാൻ ഉപയോഗിക്കുന്നത് ) എല്ലാം വാങ്ങി ഞങ്ങൾ വീട്ടിലേക്ക് തിരിച്ചു.